Balance Consultancy Group ta un ofisina di konseho nobo i kresiente situá na Kòrsou, aktivo riba tur e islanan di Antia Hulandes. Basá riba un vishon kla di kiko kambio ta enserá, nos ta kontribuí na desaroyo duradero di hende i organisashon; desaroyo ku mester krese di paden bai pafó. Nos portafolio ta inkluí proyektonan remarkabel pa gobièrnu i pa sektor privá.

Nos ofisina di konseho ta enfoká riba tres tereno prinsipal: (Re)establesimentu di organisashon, Maneho di Rekurso Humano i Rekrutashon i Selekshon di funshonario na nivel ehekutivo. P’esei, konsientemente nos ta traha ku un tim chikí di trahadónan fiho i un ret stabil di profeshonalnan eksperensiá, brindando nan enkargonan interesante i un ambiente di trabou ku ta inspirá.